Querida comunidade educativa: familias, mestres, alumnas e alumnos
Neste curso 2020-2021 entramos a formar parte do chamado PLAMBE (Plan de Mellora de Bibliotecas
Escolares de Galicia), un plan que parte da biblioteca pero que afecta a todo o
centro no seu conxunto esixíndonos certos compromisos por parte de todos nós.
Un deles é
o desenvolvemento dun PDI (PROXECTO
DOCUMENTAL INTEGRADO), é dicir, un proxecto común no que toda a comunidade
educativa comprométese a traballar arredor dun tema elixido. Neste caso o
título que lle da nome ao noso proxecto é
O EUSEBIO DE AQUÍ, ACOLÁ E MÁIS ALÁ
Xa que estamos a vivir unha situación tan atípica,
pareceunos axeitada e atractiva a idea de poder viaxar sen saír da casa, empezando
por descubrir Galiza e a nosa cultura, para así despois seguir investigando
diferentes países. Con este proxecto poderemos elaborar unha guía de viaxe para
as nosas mascotas, os ratiños Don Eusebio e Dona Modesta, que teñen moitas
ganas de facer unha escapadiña cando todo isto pase.
Estarán encantados de coñecer da gastronomía, fauna,
flora, arte, arquitectura, personaxes famosos….de todos aqueles lugares que visitemos.
Así que compañeiros de viaxe, estade
ben atentos!! Máis adiante recibiredes información por parte dos vosos titores
e titoras para saber que país tedes que investigar cos nenxs, por suposto, de
xeito voluntario.
A continuación podedes ver un pequeno vídeo de presentación do noso proxecto.
Esperamos que
vos guste!
Moitas grazas de antemán
Atentamente,
Comentarios
Publicar un comentario